- शनिबार, असोज ३ २०८३
Galaxysamachar
विराटनगर | जुलाई, २०२६ – ग्लोकल प्रा. लि. द्वारा एनसेल को सहकार्य तथा एम्बार्क कलेज को सह-आयोजनामा सञ्चालन गरिएको ‘एनसेल १२थ पास: द ग्लिच’ को दोस्रो तथा तेस्रो ब्याच विराटनगरमा सफलतापूर्वक सम्पन्न भएको छ। आस्पायर कलेज, विराटनगर मा आयोजना गरिएको यस दुईदिने गेमिफाइड बुटक्याम्पले हालै कक्षा १२ उत्तीर्ण गरेका युवाहरूलाई व्यवहारिक, प्रविधिमैत्री तथा भविष्यमा आवश्यक पर्ने सीपहरू विकास गर्ने अवसर प्रदान गरेको हो।
नेपालमै पहिलो पटक गेमिफाइड लाइफ ह्याक बुटक्याम्प को अवधारणामा सञ्चालन गरिएको ‘द ग्लिच’ ले सहभागीहरूलाई परम्परागत सेमिनारभन्दा फरक शैलीमा सिकाइ अनुभव प्रदान गर्यो। सहभागीहरूले खेल, चुनौती, समूहगत गतिविधि तथा अन्तरक्रियात्मक अभ्यासमार्फत नयाँ ज्ञान र सीप हासिल गरे।
दुई दिनसम्म सञ्चालन भएको बुटक्याम्पमा सहभागीहरूले निम्न विषयहरूमा व्यावहारिक सिकाइ प्राप्त गरेः
बुटक्याम्पको मुख्य उद्देश्य विद्यालय शिक्षापछि उच्च शिक्षा तथा व्यावसायिक यात्रामा प्रवेश गर्ने युवाहरूलाई वास्तविक जीवनमा उपयोगी हुने सीप, आत्मविश्वास, सिर्जनशील सोच तथा नेतृत्व क्षमता विकास गर्न सहयोग गर्नु रहेको थियो।
कार्यक्रमअन्तर्गत प्रत्येक सहभागीलाई निःशुल्क एनसेल सिमकार्ड तथा डेटा प्याक उपलब्ध गराइएको थियो, जसले उनीहरूलाई डिजिटल सिकाइ, AI उपकरणहरूको प्रयोग तथा अनलाइन स्रोतहरूसँग सहज रूपमा जोडिन सहयोग पुर्यायो।
कार्यक्रमका क्रममा सहभागीहरूले विभिन्न चुनौतीहरू समाधान गर्दै टोलीमा काम गर्ने क्षमता, सिर्जनशील सोच, प्रभावकारी सञ्चार, वित्तीय योजना, डिजिटल प्रविधिको उपयोग तथा व्यक्तिगत विकाससँग सम्बन्धित व्यावहारिक अनुभव हासिल गरेका थिए।
कार्यक्रमको सफलतापछि आयोजक संस्थाले युवाहरूको उत्साह, सक्रिय सहभागिता तथा सिकाइप्रतिको सकारात्मक सोचले यस्ता नवप्रवर्तनात्मक कार्यक्रमहरूको आवश्यकता अझ स्पष्ट भएको जनाएको छ।
आयोजकका अनुसार,
“‘द ग्लिच’ केवल एउटा बुटक्याम्प मात्र होइन, यो युवाहरूलाई आफ्नो क्षमता पहिचान गर्न, प्रविधिसँग जोडिन, सिर्जनशील बन्न तथा भविष्यका अवसरहरूका लागि आत्मविश्वासी बनाउन तयार गरिएको सिकाइको प्लेटफर्म हो। विराटनगरका सहभागीहरूको ऊर्जा, जिज्ञासा र सक्रिय सहभागिताले कार्यक्रमलाई अझ सफल बनाएको छ।”
ग्लोकल, एनसेल तथा एम्बार्क कलेज को सहकार्यमा सञ्चालन भइरहेको ‘एनसेल १२थ पास: द ग्लिच’ ले नेपालको युवापुस्तालाई विद्यालय शिक्षाभन्दा बाहिरको व्यवहारिक ज्ञान, डिजिटल दक्षता तथा जीवनोपयोगी सीपमार्फत सक्षम बनाउने अभियानलाई निरन्तर अगाडि बढाइरहेको छ।
विराटनगरमा दोस्रो तथा तेस्रो ब्याचको सफल समापनसँगै यो पहलले देशभरका कक्षा १२ उत्तीर्ण विद्यार्थीहरूलाई नवप्रवर्तन, प्रविधि तथा नेतृत्वसँग जोड्दै भविष्यका लागि सक्षम नागरिक तयार गर्ने आफ्नो उद्देश्यलाई थप सशक्त बनाएको छ।
ग्लोकल प्रा. लि. युवाहरूको नेतृत्व विकास, उद्यमशीलता, नवप्रवर्तन तथा सामाजिक प्रभाव सिर्जना गर्ने उद्देश्यका साथ विभिन्न राष्ट्रिय तथा अन्तर्राष्ट्रिय कार्यक्रम सञ्चालन गर्दै आएको संस्था हो। युवाहरूलाई अवसर, सीप र नेटवर्किङमार्फत सशक्त बनाउने अभियानमा ग्लोकल निरन्तर क्रियाशील रहेको छ।
© 2026 All right reserved to Galaxysamachar.com | Site By : SobizTrend
