गाजा, युक्रेन र सुडानमा विस्फोटक जोखिम बढ्दै, यूएन उप-महासचिवको चिन्ता

शान्ति अपरेसनका लागि राष्ट्रसङघीय उप-महासचिव जिन-पियरे ल्याक्रोइक्सले गाजा, युक्रेन र सुडानलगायत धेरै क्षेत्रमा चलिरहेको द्वन्द्वका कारण बारुदी सुरुङ र विस्फोटक उपकरणबाट बढ्दो खतराको चेतावनी दिनु भएको छ ।

जेनेभामा बोल्दै उहाँले बारुदी सुरुङबाट हरेक दिन औसत एक व्यक्तिको मृत्यु भएको बताउनु भएको जसमा प्रायः बालबालिका रहेको उहाँले उल्लेख गर्नु भएको छ । जसले डिमाइनिंग प्रयासलाई असर गर्ने गम्भीर कोष अवरोधलाई प्रकाश पार्छ । ल्याक्रोइक्सले यस्ता घटनालाई खतरनाक अवस्थाको रूपमा वर्णन गर्दै राष्ट्र सङ्घ, गैरसरकारी संस्था र सदस्य राष्ट्र सम्मिलित समन्वित अन्तर्राष्ट्रिय सहयोगको आवश्यकता रहेको कुरामा जोड दिनु भएको छ ।

बिग्रदै गएको सुरक्षा अवस्था, गलत सूचनाको फैलावट र आधुनिक प्रविधिद्वारा उत्पन्न उदीयमान खतरासँग सम्बन्धित परिचालन चुनौति पनि उहाँले औंल्याउनु भएको छ । यसैबिच उहाँले अन्तर्राष्ट्रिय समुदायका चुनौतिको साथै बजेट कटौती र सदस्य राष्ट्रद्वारा बेतलबी वा आंशिक रूपमा भुक्तान गरिएको योगदानका कारण शान्ति मिसनमा वित्तीय दबाब बढेको पनि चेतावनी दिनुभएको छ ।