वैदेशिक रोजगारीका कारण विवाहमा आउने उतारचढावको कथामा बनेको गीत ‘पानी खोलाको’ सार्वजनिक

वैदेशिक रोजगारीका कारण विवाहमा आउने उतारचढावको कथामा बनेको गीत ‘पानी खोलाको’ सार्वजनिक भएको छ। गीत ओएसआर डिजिटल युट्युब च्यानलबाट सार्वजनिक गरिएको हो । आधुनिक लोक लयमा आधारित गीतले प्रेम, प्रतीक्षा, सम्झना र पुन:र्मिलनको आशालाई मार्मिक ढंगले प्रस्तुत गरेको छ। गीतकार तथा निर्माता बद्री दाहाल ‘अनन्त’ को शब्द रहेको गीतमा राजु तामाङ र मेलिना राईले स्वर दिएका छन् ।

गीतको शब्दमार्फत् विवाहलगत्तै उज्ज्वल भविष्य निर्माण गर्ने सपना बोकेर विदेशिन बाध्य हुने एक श्रीमान र गाउँमै उनको प्रतीक्षामा रहेकी श्रीमतीको भावनात्मक यात्रालाई चित्रण गरेको छ । अमेरिकामा बसोबास गर्दै आएका बद्री दाहाल ‘अनन्त’ ले नेपाली भाषा, साहित्य र संस्कृतिसँग निरन्तर जोडिएर गीतमार्फत नेपाली समाजको यथार्थलाई प्रस्तुत गर्ने प्रयास गरेका छन् । उनका अनुसार नेपालीपनको सुगन्ध बोकेका शब्दलाई संगीतसँग जोडेर धेरै श्रोता–दर्शकमाझ पुर्‍याउने उद्देश्यले यो सिर्जना गरिएको हो। केवल थिङ (लामा) को संगीत रहेको गीतमा सचिन सिंह को संगीत छ ।

गीतको भिडियोमा श्रीदेव भट्टराई र ज्योती खड्का नवविवाहित दम्पतीको भूमिकामा देखिएका छन् । उनीहरूको अभिनयले वैदेशिक रोजगारीले नेपाली परिवारमा ल्याउने भावनात्मक दूरीलाई प्रभावकारी रूपमा देखाएको छ । भिडियोको निर्देशन नवल नेपालले गरेका हुन्। छायांकन ईश्वर सिंकेमन, सम्पादन नहकुल खड्का तथा व्यवस्थापन सूर्य ओलीले गरेका