चीनतर्फ बेपत्ता हुनेको सङ्ख्या ५५८ पुग्यो

काठमाडौँ । चीनतर्फको सीमा क्षेत्रमा बेपत्ता हुनेको सङ्ख्या ५५८ पुगेको छ। स्थानीय सिङ्गात्से सहर सरकारलाई उद्धृत गर्दै सञ्चारमाध्यम सीसीटीभीले आयोजना गरेको पत्रकार सम्मेलनमा यो जानकारी दिइएको हो।

यो सङ्ख्या बुधबार सार्वजनिक गरिएको २६५ भन्दा ठुलो वृद्धि हो।

नेपाल–चीन सीमामा बुधबार गएको पहिरोपछि दुई जनाको जीवितै उद्धार गरिएको तिब्बत स्वायत्त क्षेत्रका अधिकारीले बताएका छन्। उद्धार गरिएका व्यक्तिको पहिचान र स्वास्थ्य अवस्था भने सार्वजनिक गरिएको छैन।

उद्धार कार्य जारी रहँदा मृतकको सङ्ख्या तीन नै रहेको छ। चीनको रेडक्रस सोसाइटीले बिहीबार ५,५०० भन्दा बढी बाकस पानी र खाना उपलब्ध गराएको छ। संस्थाले २,५०० भन्दा बढी सेट पाल, स्वच्छता सामग्री, ओढ्ने, ओछ्यान र ज्याकेट वितरण गरेको छ।